Það er endalaust magn upplýsinga á kreiki um bestu venjur og ráð fyrir hár og hársvörð. Stundum geta upplýsingar sem þú lest verið ruglandi og jafnvel afvegaleiðandi. Ein algengasta mýtan varðandi hár er sú að það geri hárinu ekki gott að nota sjampó á hverjum degi. Hér hjá Harklinikken höfum við í farteskinu hátt í 30 ára reynslu í rannsóknum, vöruþróun og klínískum prófunum og við getum blásið þessa sjampó-mýtu út af borðinu í eitt skipti fyrir öll.
Hugsaðu um það á þennan hátt. Mörg ykkar þvoið ykkur í framan á hverjum degi, ekki satt? Hugsaðu um hársvörðinn sem framhald af andlitinu, hann er frábrugðinn hvað varðar pH-gildi og hársekki en þarfnast samt sem áður daglegrar umhirðu. Ef þú vanrækir ekki húðina í andlitinu hvers vegna ættir þú þá að vanrækja húðina á höfðinu? Jú, það getur vissulega verið skaðlegt að nota sjampó með skaðlegum efnum á hársvörðinn á hverjum degi. Samt sem áður, dagleg notkun á sjampói sem hannað er sem meðferð og byggir á hreinum, náttúrulegum innihaldsefnum er raunverulega til góðs fyrir heilbrigði hárs og hársvarðar.
Hjá Harklinikken höfum við aðeins í boði vörur sem byggja á innihaldsefnum sem eru hrein, örugg og áhrifarík. Okkar vörur innihalda ekki paraben, SLS, litarefni, ilmefni eða sílíkon. Við höfum hannað sjampótegundir sem með daglegri notkun stuðla að heilbrigði hársvarðar, þykkara hári, heilbrigðu pH-gildi og eðlilegri fituframleiðslu. Förum aðeins dýpra ofan í þessa þætti. Þessi innsýn mun færa þér betri skilning á því hvers vegna við erum svo sannfærð þegar við ráðleggjum daglega notkun á okkar sjampóum sem eitt besta ráðið til að viðhalda heilbrigði hársvarðar.
Að stjórna framleiðslu húðfitu
Daglegur þvottur með sjampói er lykillinn að því að láta hársekkina anda. Hársekkirnir framleiða húðfitu sem er náttúruleg olía húðarinnar. En ef hún er látin vera of lengi á hársverðinum getur húðfitan, í bland við óhreinindi og leifar af hárvörum, orsakað stíflur í hársekkjum og myndað skán á hársverðinum. Þessir stífluðu hársekkir geta leitt til bólgu sem með tímanum getur orsakað hárþynningu. Dagleg notkun á Harklinikken sjampói sem er hannað sem meðferð byggð á náttúrulegum efnisþáttum, líkt og Stabilizing sjampóið okkar, getur hreinsað djúpt ofan í hársekkina og skapað þannig bestu skilyrði fyrir hárvöxt svo að hárið haldist sterkt og líflegt.
Að viðhalda jafnvægi í pH-gildinu
Þegar sjampóið þitt er sett saman á réttan hátt, líkt og raunin er með Balancing sjampóið okkar, þá hreinsar það hárið um leið og það lagar pH-jafnvægið í hársverðinum sem eflir skilyrði fyrir hárvöxt, kemur í veg fyrir hárþynningu og skemmdir á hársverði sem geta leitt til hárþynningar. Það er eitt okkar besta ráð varðandi heilbrigði hársvarðar.
Notkun innihaldsefna sem efla heilbrigði
Líkami okkar þarfnast daglegrar næringar með heilsusamlegu mataræði. Rétt eins og heilbrigð fæða þá mun sjampó byggt á réttum innihaldsefnum og sett saman á réttan hátt skila árangri þar sem mest er þörfin. Hár okkar og hársvörður þurfa á virkri aðstoð að halda á daglegum grunni til að viðhalda heilbrigði og styrk. Sjampó eins og Fortifying sjampóið okkar, sem inniheldur lífrænt aloe vera, hörfræjaprótín og vatnsrofið kínóa, er hannað til að veita hárinu það sem það þarfnast á hverjum degi. Það virkar sem það sem við köllum „seinni-umferðar-sjampó“ sem þýðir að það er kjörið til þess að bæta við eftir að þú hefur borið í hárið Balancing- eða Stabilizing sjampó. Þú bætir Fortifying sjampóinu í hárið áður en þú skolar úr fyrra sjampóið, lætur freyða vel og skolar síðan úr. Þessi einstaka samsetning lagar aðstæður í hársverðinum og styrkir hárið, án þess að nota til þess skaðleg innihaldsefnum. Það hreinsar og stuðlar að heilbrigði án þess að valda þurrki, skán á hársverði eða ertingu.
