Áhrif oxunarálags á hár og hársvörð

Listinn yfir þætti sem hafa áhrif á hárið og hársvörðinn getur virkað endalaus, en sannleikurinn er sá að velferð þín hefur óneitanlega tengsl við heilsu hárs og hársvarðar. Oxunarálag kann að hljóma leiðinda hugtak, en það er náttúrulegur hluti af lífinu. Það hefur áhrif á líkamlega, tilfinningalega og andlega heilsu þína á ýmsan hátt, en – líkt og aðrar tegundir streitu – er það stundum óumflýjanlegt, stundum hægt að fyrirbyggja, og oft hægt að minnka.

Hvað er oxunarálag?

Fyrirbæri sem er bæði algengt og náttúrulegt. Oxunarálag er ójafnvægi milli andoxunarefna og sindurefna í líkamanum sjálfum og í kringum hann – nánar tiltekið of fá andoxunarefni og of mörg sindurefni. Þegar líkaminn verður fyrir of miklum sindurefnum getur það valdið skemmdum á frumum, próteinum og vefjum líkamans – stundum kallað „oxunarmeiðsli“. Það getur einnig orsakað og framleitt bólgur í líkamanum. Þó ekki sé hægt að forðast oxunarálag alfarið, getur of mikið álag valdið langvarandi vandamálum.

Hvað eru sindurefni?

Sindurefni eru sameindir eða atóm sem innihalda óparaða rafeind í ytri rafeindahjúpnum (stundum kallað opinn rafeindahjúpur), sem gerir þau mjög reaktiv – það þýðir að þau eru líklegri til að trufla eða bregðast við öðrum sameindum í líkamanum. Þessar tegundir efnahvarfa eða samskipta geta leitt til skemmda á frumum og vefjum. Þó að sindurefni myndist náttúrulega í líkamanum, eru þau einnig til í umhverfinu.

Hvað eru andoxunarefni?

Almennt séð eru andoxunarefni efni sem vinna að því að koma í veg fyrir eða hægja á skemmdum sem sindurefni kunna að valda. Þau gera þetta með því að „gefa“ einhverjar af sínum eigin rafeindum til sindurefnisins; í raun til að óvirkja þau eða minnka getu þeirra til að valda mögulegum skaða.

Hvernig hefur oxunarálag áhrif á hár og hársvörð?

Oxunarálag hefur m.a. verið tengt bólgum ásamt frumu- og próteinskemmdum, sem þýðir að það getur haft neikvæð áhrif á varnarvegg hársvarðar, hársekkina og hárið. Þetta getur birst í hinum ýmsum myndum líkt og:

• Flösu
• Flösuexemi og húðbólgu
• Psoriasis
• Psoriasis
• Öldrun hársvarðar
• Androgenic alopecia (hormónatengt hárlos)

Hverjar eru helstu orsakir oxunarálags?

Það eru ýmsar náttúrulegar ástæður fyrir því að líkaminn verður fyrir oxunarálagi, sem eru óumflýjanlegar (eins og aldur og læknisfræðilegir sjúkdómar), en aðrar eru vegna ytri þátta sem við höfum aðeins meiri stjórn á. Hér eru nokkrar ástæður fyrir því að líkaminn verður fyrir ójafnvægi milli andoxunarefna og sindurefna:

• Vanfærni hvatbera: Hvatberar sem oft eru kallaðir „orkuver frumunnar,“ eru grundvallaratriði fyrir alla frumuvirkni. Þegar hvatberar eru ekki færir um að veita orkuþörfina sem þarf fyrir eðlilega starfsemi líffæra, getur það leitt til of mikillar myndunar á virkum súrefniseiningum (ROS), sem getur valdið auknu oxunarálagi.
• Undirliggjandi sjúkdómar: Ýmsir sjúkdómar eins og sykursýki, offita, háþrýstingur og sýkingar, geta leitt til ójafnvægis á milli sindurefna og andoxunarefna.
• Öldrun: Mótspyrna líkamans gegn oxunarálagi minnkar eftir
  því sem við eldumst.
• Hormóna ójafnvægi: Sumt hormónajafnvægi getur valdið því að líkaminn framleiði færri andoxunarefni en þörf er á.
• Hreyfing: Eins og með allt í lífinu, er mikilvægt að finna rétt jafnvægi þegar kemur að hreyfingu – of lítil hreyfing getur valdið mörgum vandamálum, en of mikil áreynsla getur einnig skapað vandamál; eitt af þeim er of mikil framleiðsla ROS, sem er tegund af sindurefnum.
• Slæmt matarræði: Mataræði sem er fullt af vítamínum, steinefnum, andoxunarefnum og öðrum næringarefnum hjálpar líkamanum að óvirkja sindurefni. En mataræði sem er hátt í mettuðum transfitum og sykri getur aukið fjölda sindurefna í líkamanum, sem truflar jafnvægið.
• Reykingar: Reykingar tvöfalda oxunarálag líkamans – vegna þess að þær kynna líkamann fyrir sindurefnum (þar á meðal ROS) sem eru til staðar í reykingarlykt og vegna þess að reykingar tæma líkamann af náttúrulegum andoxunarefnum.
• Neysla áfengis: Ofneysla áfengis getur haft neikvæð áhrif á framleiðslu hvatbera líkamans ogþar af leiðandi minnkað magn andoxunarefna.
• Umhverfið: Umhverfisþættir eins og sólarljós, mengun, skordýraeitur og geislar gera líkamann útsettari fyrir sindurefnum.

Eru einhverjar leiðir til að minnka útsetningu líkamans fyrir oxunarálagi?

Já, og þær eru í raun allar þær sömu leiðir til að skapa og viðhalda heilbrigðum lífstíl.

• Hollt matarræði
• Passa vökvainntöku
• Hófleg og regluleg hreyfing
• Draga úr streitu
• Fá nægan svefn
• Ekki reykja
• Takmarka neyslu áfengis
• Nota sólarvörn
• Forðast og/- eða minnka útsetningu fyrir mengun og mögulega skaðlegum efnum

Hvernig  er hægt að verjast oxunarálagi með hársvarðar- og hármeðferðum?

Vegna þess að oxunarálag getur haft neikvæð áhrif á heilsu hársvarðar (og þar af leiðandi hárheilsu) er mikilvægt að meðhöndla hársvörðinn eins og andlitið: hreinsa hann reglulega með vörum sem eru með gagnlegum innihaldsefnum; ekki hugsanlega vandamálafullum efnum. Vörulína Hårklinikken, sem samanstendur af sjampóum, hárnæringum, rakagjöfum og mótunarvörum er vandlega samsett með einstökum innihaldsefnum úr náttúrulegum hráefnum. Það þýðir að með hverri notkun fá hárið og hársvörðurinn næringu frá andoxunarefnum ríkum af næringarefnum, sem hjálpa til við að vernda gegn oxunarálagi.