Back to Blog

Hvað veldur hárþynningu annað en það að eldast?

Hvað veldur hárþynningu annað en það að eldast?

Sjálfstraustið er í hámarki þegar hárið er heilbrigt og geislandi en stundum geta náttúrulegir ferlar eins og hárþynning sett strik í reikninginn. Fólk á öllum aldri getur upplifað hárþynningu en sem betur fer er oft hægt að snúa þeirri þróun við. Yngra fólk getur upplifað varnarleysi gegn aðsteðjandi hárþynningu eða einfaldlega viljað grípa til fyrirbyggjandi ráðstafana til að viðhalda heilbrigðu hári inn í framtíðina. Með því að nota réttu vörurnar þá getur þú endurheimt heilbrigði og umfang hársins á öllum stigum. En hvað er það sem veldur hárþynningu?

Að eldast er vissulega ekki eina orsök hárþynningar. Fjölmargir aðrir þættir geta leitt til hárþynningar, þar á meðal hormónabreytingar, veikindi eða streita. Hárþynning getur átt sér stað á öllum aldri eftir gelgjuskeiðið. En sem betur fer eru til ráð til að meðhöndla og draga úr einkennum og ná fram hári sem þú getur skartað með stolti.

Lítum aðeins á hvað orsakar hárþynningu, fáeinar algengar ástæður og nokkrar frábærar lausnir. Og áður en þú veist af gætir þú hafa komið þér upp rútínu í hárumhirðu sem skilar þér þykku og heilbrigðu hári um ókomin ár.

Hvernig hárþynning hagar sér
Hárþynning verður þegar hársekkirnir skreppa saman með tímanum, oftast talað um það sem smækkun eða rýrnun hársekkja. Náttúruleg rýrnun á sér stað þegar gen og hormónar gera sameiginlega atlögu að hársekkjunum undir yfirborði hársvarðarins. Þetta veldur því að hver kynslóð af hári verður fíngerðari en sú á undan. Á endanum, oft mörgum árum síðar, getur hársekkurinn ekki skroppið frekar saman. Hann lokast algjörlega og framleiðir ekki lengur hár. Með rannsóknum í tæpa þrjá áratugi hefur okkur tekist að þróa áhrifaríkar lausnir til að snúa við þynningarferlinu og færa hverjum og einum hársekk dýpt, styrk og heilbrigði á nýjan leik.

Hvað veldur hárþynningu?
Algengasta orsök hárþynningar er mynsturskalli hjá körlum og konum. Þetta getur hrjáð hvern sem er á hvaða aldri sem er eftir gelgjuskeiðið. Í mörgum tilfellum geta stórvægilegir atburðir í lífinu hrundið af stað eða flýtt fyrir þessu ferli í líkamanum. Það að eignast barn, að glíma við veikindi eða hormónaójafnvægi eða upplifa streituvaldandi atburði getur allt sett af stað náttúrulegt öldrunarferli hársins og hjá sumum getur þetta gerst jafnvel strax á táningsaldri.

Um leið og þú veist hvað það er sem orsakar hárþynningu getur þú stigið rétt skref til að meðhöndla hana. Harklinikken getur veitt hjálp við hármissi bæði hjá körlum og konum. Vörurnar okkar eru byggðar á vísindalegum grunni með náttúrulegum innihaldsefnum úr plöntum, ávöxtum og kúamjólk og þær blása nýju lífi í hárið með því að byggja upp heilbrigðari hársvörð. Við setjum saman valda efnisþætti til að dýpka hársekkina og færa hverjum hárstreng næringarefni og ná þannig fram þykkara og líflegra hári um allt höfuðið.

Harklinikken-lausnin
Markmið Harklinikken er að snúa við því náttúrulega ferli þegar hársekkir rýrna eða smækka. Þykknin sem við notum í hárþynningarlausnum okkar hjálpa til við að koma í veg fyrir þessar atlögur með daglegri notkun. Flestar lausnir sem í boði eru á markaðnum eru skyndilausnir til að fá fegurra hár með því að þekja það sílíkoni, lit og öðrum kemískum efnum sem skapa tálmynd af betra hári. Þess í stað ráðumst við að rótum vandans til að veita hárinu raunverulegan styrk og varanlegan lífsþrótt með því að vinda ofan af hárþynningu.

Með tímanum fara samvirk áhrif samsetningarinnar í þykkninu sem við notum í okkar vörur að dýpka hársekkina aftur ofan í hársvörðinn. Útkoman verður þykkari vöxtur með hverri kynslóð af hári. Að nota þessar hárþynningarlausnir mun jafnvel hjálpa þér að endurheimta sjálfstraust og fyllast stolti yfir hárinu þínu. Það mun einnig veita þér ánægju að nota vörur án skaðlegra innihaldsefna sem vinna á áhrifaríkan hátt að því að halda hári þínu heilbrigðu til lengri tíma.

Are you in the right place?

Please choose your shop

Iceland